Inhlanganiso elwela amalungelo entathelizindaba eyeZimbabwe Union of Journalists income ikhomishini ebona ngokusebenza kwabezindaba eyeZimbabwe Media Commission ngokunikeza njalo amanye amankampani azimeleyo imvumo yokudinda amaphephandaba.
Amankampani la abalisa iCable News Agency, iAfrican Open Media Initiative, iBerimark Enterprises leFeyjay Investments.
Kunyanga ezimbili ezedluleyo ikomishini le iphe amaphephandaba amathathu azimeleyo imvumo yokudinda, athi iDaily News, News Day leDaily Gazette.
Umgcinisihlalo weZimbabwe Union of Journalists uMnu Dumisani Sibanda uthi bayitshayela ihlombe ikomishini yeZMC, kodwa uthi uhulumende kumele anike labafuna ukusakaza imvumo yokuqalisa umsebenzi.