WASHINGTON DC —
Ibandla leZanu PF ligqibe ukhetho lwalo lwama-Primaries ngoLwesithathu njalo impumela esikhona iveza ukuthi kulamalunga edale lephalamende amanengi anqotshiweyo.
Abantu laba bagoqela ummeli weChivi Central uMnu Paul Mangwana, uMnu Irvine Dzingirai, omela iChivi South, uMnu Tranos Huruva omela iChivi North loMnu Fred Kanzama omela iMutare South.
Isikhulumeli samapholisa uMnu Oliver Mandipaka ngomunye wabanqobileyo, njalo uzamela ibandla leli eBuhera West kukhetho oluzayo.
Endaweni ezinengi zelizwe amavoti ebesabalwa ngoLwesithathu ntambama.
UMnu Andrew Langa, ongumeli weInsiza North edale lephalamende njalo engumgcinisihlalo weZanu PF eMatabeleland South ngomunye wabanqobileyo.
"Abantu beInsiza benze intando yabo, benze abakubona kuqondile. Njengomuntu okhethiweyo, ngithanda ukuthi ngibadumise kakhulu," kutsho uMnu Langa.
Okubesobala kukhetho lweZanu PF lolu yikuthi kulabantu abanengi kakhulu abavotileyo.
Ingcwethi ecubungula ezombusazwe uMnu Effie Dlela Ncube uthe kuvota kwabasekeli beZanu PF abanengi lokhu kumele kwethuse amabandla aphikisana lalelibandla.
"Nxa ngabe ngempela abantu okuthiwa bavotile, bevotile ngeqinise bengabasekeli beZanu PF kutsho ukuthi abeMDC labanye alaqembu amanengi aphikisayo kuzamele abuyele ayesebenza phansi," kutsho uNcube.
Abantu laba bagoqela ummeli weChivi Central uMnu Paul Mangwana, uMnu Irvine Dzingirai, omela iChivi South, uMnu Tranos Huruva omela iChivi North loMnu Fred Kanzama omela iMutare South.
Isikhulumeli samapholisa uMnu Oliver Mandipaka ngomunye wabanqobileyo, njalo uzamela ibandla leli eBuhera West kukhetho oluzayo.
Endaweni ezinengi zelizwe amavoti ebesabalwa ngoLwesithathu ntambama.
UMnu Andrew Langa, ongumeli weInsiza North edale lephalamende njalo engumgcinisihlalo weZanu PF eMatabeleland South ngomunye wabanqobileyo.
"Abantu beInsiza benze intando yabo, benze abakubona kuqondile. Njengomuntu okhethiweyo, ngithanda ukuthi ngibadumise kakhulu," kutsho uMnu Langa.
Okubesobala kukhetho lweZanu PF lolu yikuthi kulabantu abanengi kakhulu abavotileyo.
Ingcwethi ecubungula ezombusazwe uMnu Effie Dlela Ncube uthe kuvota kwabasekeli beZanu PF abanengi lokhu kumele kwethuse amabandla aphikisana lalelibandla.
"Nxa ngabe ngempela abantu okuthiwa bavotile, bevotile ngeqinise bengabasekeli beZanu PF kutsho ukuthi abeMDC labanye alaqembu amanengi aphikisayo kuzamele abuyele ayesebenza phansi," kutsho uNcube.