Bayakhala abalwa impi yenkululeko ngesikhathi kulunguselelwa usuku lweHeroes Day.
Abalwa impi yenkululeko bathi okwenzakala eZimbabwe okwamanje, okulomnotho obhidlikayo njalo okukhahlanyezwa ilungelo likazulu, kayisikho abakulwelayo.
UMnu. Petros Sibanda, usibalukhulu wenhlanganiso yabalwa impi yenkululeko bekubutho leZIPRA, uthi luqakathekile usuku lwabalwa impi yenkululeko lobanje bethwele nzima.
USibanda uthi kwephula inhliziyo okwenzakala eZimbabwe.
Lokhu kusekelwa nguMnu. Patrick Ndlovu, isikhulumeli sebandla leZapu.
UMnu. Wellington Moyo, umsekeli webandla leZanu PF, uthi abantu kumele bathakazelele okwenziwa ngabalwa impi yenkululeko lobanje bebhekane lokunye okubahluphayo.
Abalwa impi yenkululeko bahola ipentsheni efika phose inkulungwane ezine zamadola eZimbabwe - 4,800 RTGS ngenyanga.