Usomabhizimusi olodumo uMnu. Phillip Chiyangwa usekhethwe ukuthi akhokhele inhlanganiso yenguqu eyeZimbabwe Football Association.
UChiyangwa, othole amavoti angamatshumi amane (40), unqobe uMnu. Trevor Carelse Juul obelamavoti alitshumi lantathu (13), uMnu, Leslie Gwindi (3) loMnu. James Takavada (1).
Usomabhizimusi lo uthembise ukuvuselela umdlalo wenguqu eZimbabwe lobanje kungaziwa ukuthi uzakwenza njani lokhu. Uthethe isikhundla sikaMnu. Cuthbert Dube owaxotshwa lidale leZIFA Council elamethesa icala lowehluleka ukuqhuba kahle umdlalo wenguqu.
Kukhetho lomsekeli weZIFA, uMnu. Omega Sibanda, othole amavoti angamatshumi amathathu lane (34), unqobe uMnu. Lincoln Mutasa obelamavoti angamatshumi amabili lantathu (23)
Asebekhethwe okwamanje ukuthi bangene kudale leZIFA Board nguMnu. Silent Kamambo, Mnu. Edzai Kasinauyo, Mnu. Phillip Mabhena loMnu. Philemon Machana.