Kuqhubekela phambili ukulwisana kwabalandeli bebandla le Zanu PF ngesikhathi kulungiselelwa ukhetho loluhlu lwebandla leli olwe Women’s League.
Unobhala jikelele we Women’s League uNkosazana Oppah Muchinguri utshele amaphephandaba asekela uhulumende ukuthi abanye babo bayathunjwa yilabo abacatshangelwa ukuthi basekela labo abafuna izikhundla eziphezulu.
UMuchinguri uthe lokhu kutshengisa ukuthi kulokulwisana okumangalisayo kubandla leli. Ukhulume ngalokhu ngesikhathi kulabantu abedlula inkulungwane ezine – 4,000 abalanda umhlangano weWomen’s League eHarare.
Kubikwa ukuthi abaqoqe umhlangano lo bengaphansi kukaDidymus Mutasa okhangelane lokwenzakala kubandla leli nsukuzonke, behlulekile ukudinga ukudla njalo lokulungisa izimota zokuthwala abantu.
Abakubandla leli bathi ukungalungiswa ngemfanelo komhlangano weWomen’s League losanda kuphela owabasakhulayo kutshengisa sobala ukuthi kulokulwisana okumangalisayo kuZanu PF.
Ukulwisana lokhu sokuphinde kwaphehlwa yimizamo yokuthi umkaMongameli Mugabe, UNkosikazi Grace Mugabe, athethe isikhundla sikaMuchinguri.
Kukhanya abathobeleneyo kulelibandla nguMnu. Emerson Mnangagwa, umphathintambo wezemithetho, lomsekeli kaMongameli, UNkosikazi Joice Mujuru, okubikwa ukuthi bafuna ukuthatha isikhundla sikaMongameli Mugabe oseluphele.
Isikhulumeli sebandla leli, uMnu. Rugare Gumbo, uthi bakhona abalwisa abantu kubandla leli abasebenzisa amaphephandaba anjenge Herald.