Ibandla leMDC elikhokhelwa nguMnu. Nelson Chamisa lithi abantu abanengi eZimbabwe bathi bazimisele ukutshengisela emigwaqweni besola ukwebiwa kokhetho elithi kwenziwa libandla leZanu PF lonyaka.
Abantu abanengi bethule lokhu namuhla eChinhoyi lapho uChamisa abasenza khona umhlangano wokubonga abalandeli ngokuvutela iMDC kukhetho olwenziwa ngoNtulikazi.
UChamisa uthe okwethulwe ngabantu eChinhoyi sokusekelwe ngabanye lapho aseyenze khona imihlangano efanayo. Uthi bazatshengisela lobanje uhulumende ebethusela ukuthi bazabotshwa abantu abazakwenza lokhu.
UNkosazana Thabitha Khumalo, umgcinisihlalo webandla leMDC, ugciselele esithi abantu sebefuna ukutshengisela emigwaqweni lobanje ibandla leli lisithi kusasele ezinye indawo lapho okumele uChamisa akhulumisane lozulu ngezokhetho olusanda kwenziwa eZimbabwe.
Your browser doesn’t support HTML5
Ingxoxo Esiyenze LoNkosazana Thabitha Khumalo
Kodwa ibandla eliphikisayo lithi kumele eleMDC liqalise ukulungisela ukhetho oluzayo ngoba uMongameli Emmerson Mnangagwa nguye owanqoba kukhetho olwenziwa ngoNtulikazi. UMnu. Joseph Tshuma, okudale leZanu PF Central Committee, uthi ibandla leMDC kumele lizimisele okungenzakala abantu betshengisela emigwaqweni.
Your browser doesn’t support HTML5
Ingxoxo Esiyenze LoMnu. Joseph Tshuma
UMnangagwa wanqoba kukhetho olwenziwa ngoNtulikazi kodwa uChamisa wahambisa udaba lolu emthethwandaba weConstitutional Court owathi kwakungelabufakazi bokuthi uMnangagwa weba ukhetho lokudinga umongameli.
UChamisa uqhubekela phambili esithi wanqoba kukhetho lolu.