Abantu abanengi bathi sokunzima ukuthola amaphilisi okuthundubeza ingcikwane lengculaza ngesikhathi umhlaba wonke jikelele namuhla unanza usuku lweWorld AIDS Day.
Usuku loku lunanzwa ngaphansi kwesihloko esithi ‘Communities Make the Difference’.
Kuhlolisiswa okwenziwa ngabaphila legcikwane leli, inhlanganiso ezizimele zodwa, abahlala lozulu abafundisa abantu ngesifo lesi labo bonke abakhuthaza ukulwisana legcikwane lengculaza.
Kwele Zimbabwe, usuku lolu lunanzwe eMasvingo lapho umphathintambo wezempilakahle okhuthaze ukuthi abantu bancedane ngokulwisana legcikwane leli.
Umhlaba wonke jikelele wathatha izinqumo zokuthi abantu abanengi babekwazi isomo sabo, abantu bathole amaphilisi okuthundubeza ingcikwane leli njalo behlise inani legcikwane emizimbeni yabo ngesilinganiso sokungamatshumi ayisitshiyagalolunye – 90 percent ekhulwini kusiyafika umnyaka ka2020.
Ukuze sizwe ngokulwisana legcikwane lengculaza langesihloko salonyaka sosuku lweWorld AIDS Day, sixoxe loMnu. Dumisani Nkomo, ophila legcikwane leli, othi kunzima kulez’insuku ukuthola amaphilisi okunqunda ukumemetheka kwegcikwane lengculaza.
Your browser doesn’t support HTML5
Ingxoxo Esiyenze LoMnu. Dumisani Nkomo