Inhlanganiso yenguqu eyeZimbabwe Football Association ikhangelelwe ukuba izakwenza umhlangano ngoMgqibelo eHarare okuzakhulunywa ngodaba lomqeqetshi weqembu lelizwe, uZdravko Logarusic, okukhanya engenzi kahle.
UBrighton Malandule, okhangelane lenhlelo zamaqembu wonke elizwe ekunhlanganiso le, uthi bazakwethulela uzulu ngempumela yomhlangano lo.
Abazi ngokwenzakalayo bathi iZifa izaxotsha uLogarusic umsebenzi ifake esikhundleni sakhe uBenjani Mwaruwari, owake waba ngukaputeni weqembu leZimbabwe Warriors.
Iqembu leZimbabwe selidlale imidlalo embalwa eyeWorld Cup qualifiers lehluleka ukunqoba. Lisanda kunqotshwa ngele Ethiopia.
Kasenelisanga ukuxoxa loLogarusic kanye loMwaruwari abangaphendulanga omakhalekhukhwini babo.
Olandela umdlalo wenguqu, uMazwi Moyo, uthi iZifa sokumele ixotshe umqeqetshi ngoba kuyayangisa okwenziwa liqembu leZimbabwe Warriors.