Abanye abalwa impi yenkululeko bathi sokumele uProfessor Jonathan Moyo, umphathintambo wezemfundo ephezulu eZimbabwe, axotshwe kubandla leZanu PF lakuhulumende.
Abalwa impi laba, abenhlanganiso ye Zimbabwe National War Veterans War Veterans Association, bathi abakubandla elibusayo batshele intathelizindaba eHarare ngoMvulo ukuthi uMoyo ukhangelela phansi umsekeli kamongameli, uMnu. Emerson Mnangagwa, njalo usebenza ngendlela engaqedakaliyo kwezomnotho welizwe.
UProf. Moyo ubikwa ukuthi ukucele lebandla leZanu PF elifuna ukuthi umkamongemeli welizwe, uGrace Mugabe, athathe isikhundla sikaMongameli Robert Mugabe nxa isikhathi sesifikile ukuthi asuke esikhundleni lesi.
Icele elilalabo abalwa impi yenkululeko elibizwa ngokuthi yi-Team Lacoste lifuna ukuba uMnangagwa angene esikhundleni lesi.
UMugabe uzancintisa kukhetho lukamongameli ngomnyaka ka2018 eseleminyaka engamatshumi ayisithiyagalolunye lane - 94.
Inhlanganiso ye ZNLW ibe lomhlangano lentathelizindaba lapho eyazise khona ukuthi ifuna ukuthi uMoyo axotshwe ngesiphangiphangi.
Umkhokheli walinhlanganiso, uMnu. Chris Mutsvangwangwa utshele intathelizindaba ukuthi uMoyo kumele axotshwe ngoba esebonakala njengomuntu ongufuni ukuthi inhlelo zikahulumende ezifana leye Command Agriculture ukuthi ziphumelele.
"UMoyo asisafuni ukuthi abe kuhulumende ngoba engasamelanga izifiso zikahulumende njalo sifuna umongameli Mugabe athathe inyathelo ngokuphangisa," kutsho uMutsvangwa.
Kodwa owalwa impi yenkululeko, uMnu. Max Mkandla yena uthi uMoyo engaxotshwa ngoba ekhuluma iqiniso. UMkandla uthi: "IZanu PF ukuba khona kwyo khonaphana nguye uJonathan Moyo. Ukumxotsha yikususa iZanu PF iyahle ihambe."
Your browser doesn’t support HTML5
Ingxoxo loMnu. Max Mkandla