Inhlanganiso elwela ilungelo loluntu eyeZimbabwe Lawyers for Human Rights ithi abalwa impi yenkululeko ababotshwe eHarare ngoLwesibili betshengisela emigwaqweni besithi kumele kukhuphulwe ipentsheni yabo, bamiswe emthethwandaba namuhla.
Umantshi obephethe udaba lolu uthe abantu laba abangamatshumi amathathu lasitshiyagalolunye – 39 kumele babuyele emthethwandaba kusasa.
Betheswa amacala okutshengisela emigwaqweni kungelamvumo. Batshele umantshi ukuthi baphathwe butshapha ngamapholisa besenkambeni zamapholisa.
Bathola imali eyedlula kancane inkulungwana ezilitshumi lasithupha – ZWL$16,000 ngenyanga.
UMnu. Ben Ncube, umngcinisihlalo wenhanganiso yeZipra Veterans Association, uthi kumele uhulumende abanike imali okusemthethweni katshi lokhu akwenzayo.
Uhulumende kakhulumi ngodaba lolu ngesikhathi ibandla leZanu PF liqhuba umhlangano oweAnnual National People's Conference eBindura.
Your browser doesn’t support HTML5
Ingxoxo Esiyenze LoMnu. Ben Ncube