Isiphathamandla sikahulumende wakwele China esibona ngokudlelana lamanye amazwe sikwele Zimbabwe lapho ahlolisisa khona inhlelo ezitshiyeneyo.
UMnu. Wang Yi, othunywe nguMongameli Xi Jinping owethekelele njalo kwele Egypt, Burundi, Djibouti lakwele Eritrea, ukhangelelwe ukuthi uzakwenza imihlangano etshiyeneyo leziphathamandla zakwele Zimbabwe.
Ele China laboleka ilizwe leZimbabwe imali yokuvuselela umlilo kagetsi, ukwakha idale lephalamende lamagceke endizamtshina iRobert Gabriel Mugabe International Airport lezinye.
Obona ngokudlelana lamanye amazwe, uMnu. Sibusiso Moyo, utshele iphephandaba leSunday Mail ukuthi luqakatheke kakhulu uhambo luka Wang Yi. Uthi bazakhulumisana ngobudlelwano bamazwe la, ikakhulu ngokuthengiselana impahla etshiyeneyo.
Ukuze sihlaziye loludaba, sixoxe loMnu. Dingumuzi Phuthi, omele iBulilima West edale lephalamende ekubandla leZanu PF.
Your browser doesn’t support HTML5
'Kuyabukeka Okwenziwe Lilizwe leChina Elithumeze Isiphathamandla eZimbabwe'
Siphinde saxoxa ngodaba lolu loMnu. Rejoice Ngwenya ingcwethi kwezenotho othi eleChina lithanda ukuthenga abangane kuzwekazi leAfrica.
Your browser doesn’t support HTML5
'Ilizwe leChina Liyathenga Ubungane'