EleZimbabwe selibumba umthetho olakho ukuba kuvalwe inhlanganiso ezizimeleyo okuthiwa zikhankasela kumbe zinika imali abezombusazwe.
Iphephandaba leSunday Mail libika ukuba idale lephalamende lizahlafuna imithetho emitsha ezagambela umthetho wePrivate Voluntary Organizations Act.
Phansi kweziqondiso zomthetho lo kuzakuba lomuntu obizwa ngokuthi nguRegistrar, okhethwe nguhulumende, ozakwamukela imali yokubhalisa inhlanganiso ezizimeleyo, ozabona ukuba zisebenza kahle njalo ozaxotsha abaqondisi benhlanganiso lezi nxa zingenzi kahle.
Abazatholakale besephula imithetho bazahlawuliswa imali enengi kumbe bavalelwe entilongweni okomnyaka.
Abatholakala bengelancwadi zokusebenza elizweni bazavalelwa entilongweni okweminyaka elitshumi. Ukuze sihlaziye udaba lolu, sixoxe loMnu. Effie Dlela Ncube, olwela ilungelo loluntu.
UMnu. Elifasi Mashaba, okubandla leZanu PF, uthi bayakusekela lokhu okwenziwa nguhulumende.
Your browser doesn’t support HTML5
Uhulumende Ubumba Umthetho Olakho Ukubhidliza Inhlanganiso Ezizimeleyo