UMongameli Mugabe ngoLwesithathu ufungise amalunga ekomishini ekhangelane lokulinganiswa kwamathuba phakathi kwabesilisa labesifana, iGender Commission, ukuthi eqale umsebenzi.
Amalunga elikomishini abalisa umgcinisihlalo wayo uNkosikazi Margaret Sangarwe-Mukahanana, uNyepudzai Nyangulu, Sibongile Mauye, Naomi Chimetete, Obert Matshalaga, Victor Nkiwane, Paul Kadzima, Peter Mawonera, Chief Chikwizo loTsungirirai Hungwe. UMugabe ufingise njalo amalunga amabili eZimbabwe Electoral Commission abalisa uMnu Qhubani Moyo loMnu Emmanuel Magade.
Abalwela amalungelo abesifazana bathi iGender Commission kumele isebenze gadalala kuqedwe udubo lokwendiswa kwabantwana lokunye okunye okuhlupha omama okukugoqela imithetho yelifa nxa bebhujelwe ngomkabo.
Umgcicisihlalo weGender Commission uNkosikazi Margaret Sangarwe-Mukahanana uthe ubengeke ekhulume ngoba ubebambeke ngokunye.
Omunye wabalwela amalungelo abesifazana njalo elilunga ledale lephalamende ekuMDC ekhokhelwa nguMnu Welshman Ncube uNkosikazi Priscilla-Misihairabwi Mushonga uchasise kabanzi ngalolu daba.