WASHINGTON DC —
Obeyisikhulumeli seMDC ekhokhelwa nguMnu Welshman Ncube uMnu. Joshua Mhambi uthi usephumile kulelibandla.
UMhambi wethule umbiko lo ngoLwesithathu ngemva kwamazwi ethulwe libandla leli izolo lisithi uMhambi sesusiwe esikhundleni sakhe wakhethwa ukuba ngumabhalane obona ngokudlelana lamanye amazwe.
Kodwa uMhambi utshele iStudio 7 ukuthi eqinisweni usuke kuleli bandla mhlaka 18 ngenyanga ephelileyo lanxa nje umsekeli kamongameli walo ethule umbiko izolo esithi uMhambi sephiwe isikhundla esitsha.
UMhambi ubekhethwe ukuba yisikhulumeli sebandla ngemva kokutshiya isikhundla lesi kukaMnu Nhlanhla Dube. UMhambi uthi uvalelise kahle kubandla leli ngakho kutshiywa kwakhiwe.