Uhulumende ukhuthaza abantu, amakampani lama kopa athengisa umhlaba ongaphansi kukahulumende lamakhansili okungaphandle komthetho ukuba etshiyane lalumkhuba ngoba bengabanjwa bazajeziswa kanzima.
Embikweni walo kuzulu kuliviki ugatsha lombuso wezabelo lamadolobha kuhulumende luthi abantu lama khopha abenza lokhu baqila abantu abanengi iizimali ezinengi abagoqela izisebenzi zika hulumende bebathembisa ama stand angekhoyo njalo betshontsha indawo zikahulumende lezamakhansili kundawana ezitshiyeneyo zelizwe bethengisela abantu.
Lolu ludubo olubikwa luvame edolobheni le Harare.
Umnumzana Mfundo Mlilo umqondisi wenhlanganiso yomanyano wezakhamuzi ze Harare ye CHRA uthi udubo luqalela kumasipala waleli dolobha.
UMlilo uthi indlela ama stand athengiswa ngayo kuma co-operative icina iphazamisa inhlalakahle kazulu.
Uhulumende uthi lokhu sokumele kuphele njalo ethi uzulu kumele enanzelele ukuba ama co-operative asebenzelana lawo akusimo esinjani ngoba kumele abe ngabhaliswe kugatsha lwama kopa njalo bezwisise ngomumo wendawo athengisa ama stand kiwo ukuze bebe leqiniso lokuba asemthethweni kumbe hatshi.
UMlilo uqhubeka ethi uhulumende ukhanya laye eyinxenye yodubo lolu kulokuba lusizo:
Uhulumende uthi noma I kopa ibhalisiwe kakuhle le kayisiyo mvumo yokuba ithumbe umhlabathi santando.
Isikhulumeli se kansili ye Harare umnumzana Michael Chideme uthi ikhansili icwayisa uzulu ukuba engabi ngamalunga amakopa asevele esesebenza kodwa ukuba besungule awabo baye ku kansili ukuyadinga indawo zama stand ngoba benikeza indawo kuhambelana lenani lamalunga amakopa ngesikhathi leyo kopa ibunjwa.
Ethi ukungena kuma kopa ayabe esezisebenzela kubangela ukuba abantu beqilibezelwe ngoba eyabe engela ma stand angawapha amalunga amatsha.