Kulabantu abanengi abalokhu bethandabuza ukuthi uhulumende kaMongameli Emmerson Mnangagwa uzalungisa ngemfanelo udaba lombhuqazwe weGukurahundi kulandela isithembiso sokuthi bonke abafelwa ngabazali bazanikwa incwadi zokuzalwa ama birth certificates lokunye okutshiyeneyo.
Abakhulume lomsakazo weStudio 7 bathi kumele uhulumende axolise okwenziwa libutho leGukurahundi elabulala abantu abafika inkulungwane ezingamatshumi amabili – 20,000 eMatabeleland leNkabazwe kusukela ngomnyaka ka1982 kusiyafika umnyaka ka1987.
Bathi kabasoze baxolele uhulumende nxa engaxolisanga labo abafelwa yizihlobo labangane.
Lokhu kusekelwa nguMnu. Dumisani Nkomo, ingcwethi kwezombusazwe othi uhulumende kumele engene kuzulu akhulume ngodaba lolu ekhululekile ukwenzela ukuthi abantu babhodle abakugcine ezifubeni.
Your browser doesn’t support HTML5
Ingxoxo Esiyenze LoMnu. Dumisani Nkomo