Kuhlelo lwamasiko lokuphila kwabantu nsukuzonke, liviki sixoxa ngemikhankaso yokwenza abasifazane ukuthi babe lamalungelo enjengawabesilisa.
Imikhankaso le yaqalisa ilizwe lisanda ukuthola uzibuse njalo lokhe iqhubekela phambili.
Esikhathini esinengi bekusethulwa imilayezelo yokuthi abesilisa kumele bancedise abasifazane lezindlini lapho abenza khona imisebenzi enzima loba nje bayabe besebenza kumafekithali lezinye indawo ezitshiyeneyo.
Bakhona abesilisa abathi okunye ukukhankasa lokhu kwasekudiliza imizi njengoba kulabesifazane ababekhuthaza ukuthi obaba bapheke baphinde benze lokunye okujayele ukwenziwa ngabesifazane ezindlini.
Kambe imikhankaso le seyaguqula izenzo zabesilisa na?
Ukuze sihlaziye udaba lolu, sixoxe loNkosikazi Sithabile Mataka Moyo ongukhansila koBulawayo loMnu. Winos Dube okunhlanganiso yezakhamizi eyeBulawayo United Residents’ Association.
UNkosikazi Moyo uthe akumelanga abesilisa bapheke bebanjwa ngankani njengoba umsebenzi lowo ungowabesifazane.
Lokhu kugcizelelwe nguDube othe kujayelekile ukuthi abesilisa bapheke kumbe benze imicimbicimbi yangekhaya nxa owesifazane egula.
Bavumelene ukuthi imikhankaso le iphelela emsebenzini njengoba ilakho ukudiliza imizi nxa idinga ukuthi abesilisa bapheke kumbe benza imisebenzi yekhaya ejayele ukwenziwa ngabesifazane.
Your browser doesn’t support HTML5
EZAMASIKO: Ingxoxo Esiyenze LoNkosikazi Thabitha Mataka Moyo LoMnu. Winos Dube