Obekhokhela abadabuka eZimbabwe abahambe emidlalweni yeTokyo 2020 Olympics Games, uFrederick Ndlovu, uthi bazakwenza umhlangano wokuhlolisisa okwenziwe ngabadlali bonke ababuyele ekhaya bengatholanga izicoco.
UNdlovu uthi bakhangelele ukuba bazaphathisana lenhlanganiso ezitshiyeneyo, amazwe ambalwa, amankampani labantu bakwele Zimbabwe ekudingeni abadlali abazakhethwa ukuba bamele eleZimbabwe emidlalweni yeParis 2024 Olympic Games.
Loba abadlali bakwele Zimbabwe bengatholanga izicoco, kuzwekazi leAfrica, eleKenya lithole ezilitshumi kwathi amanye agoqela eleEgypt, South Africa, Uganda leEthipia athola ezimbalwa.
EleMelika yilo elithole izicoco ezedlula wonke amazwe emidlalweni le egqitshwe ngeSonto.
UKirsty Coventry, umphathintambo wezemidlalo, lomdlali we-golf, uVincent Scott, bebemele eleZimbabwe kugqitshwa imidlalo le.
UNdlovu uthi akulahlwa mbeleko ngokufelwa.
Your browser doesn’t support HTML5
UFrederick Ndlovu Ukhuluma Ngabadlali Langokugqitshwa Kwemidlalo yeTokyo 2020 Olympic Games