Igqwetha lika Mnu. Nelson Chamisa, umkhokheli webandla leMovement for Democratic Change (MDC), lilimele engozini yemota emgwaqweni ngoMgqibelo eMashonaland Central.
UMnu. Thabani Mpofu, obelomtshayeli, ulalisiwe esibhedlela lapho ayelatshwa khona amanxeba ambalwa.
UMpofu wamela uChamisa emthethwandaba weElectoral Court lapho uChamisa owayephikisa impumela yokhetho olwenziwa nyakenye okwancinta uMongameli Emmerson Mnangagwa. Isikhulumeli samapholisa, uSenior Assistant Commissioner Paul Nyathi, uthi uzakhuluma ngodaba lolu ngoMvulo.
UDokotela Nkululeko Sibanda, isikhulumeli sika Chamisa, uthi uMpofu usesibhedlela lapho okuvunyelwa khona izihlobo labangane kuphela.
Ukulimala kuka Mpofu engozini yemota kulandela okwehlele uMfundisi Talent Chiwenga, ojayele ukuchothoza uhulumende kaMongameli Emmerson Mnangagwa.
Kasenelisanga ukukhuluma leziphathamandla zikahulumende ngokucabangwa nguzulu ngengozi zemota emigwaqweni.
Your browser doesn’t support HTML5
Igqwetha leMDC Lilimala Engozini Yemota Emgwaqweni