Sokusilela amaphepha okusebenzisa ezambuzini, amanzi ahloliweyo, ukudla kwamagabha lokunye okutshiyeneyo kwezinye indawo kwele Melika, eBhilithane, eCanada lakwamanye amazwe lapho abantu asebethenga konke lokhu ngokutshetsha besesaba ukuthi bengavinjwa zinkokheli zabo ukuthi bayethenga abakufunayo ezitolo ngenxa yokumemetheka komkhuhlane weCoronavirus.
Omunye wababhekane lokusilela kwempahla le nguMnu. Justin Jay Moyo, odabuka eZimbabwe ohlala eNiagara Falls kwele Canada, othi kuyamangalisa ukuthi abantu babutha impahla etshiyeneyo ezitolo ngoba besaba umkhuhlane lo.
Lenyama kayisatholakali kwenzinye izitolo. (Photo: Gibbs Dube)
UMnu. Sipho Sigola uthi badinga impahla nsuku zonke ezinjengamaphepha ezambuzi.
UMnu. Fabian Khoza, ohlala kwele South Africa, uthi okunye okwenza abantu bathithibale ngokwethulwa ebulenjini bokuxhumana.
UKhoza uthi banengi abantu abakhala ngokumiswaumsebenzi.
Abafundisi bathi kuyabahlupha okumangalisayo ukubona abantu emhlabeni jikelele behlupheka kangaka ngenxa yokumemetheka komkhuhlane weCoronavirus.
UMfundisi Monica Mzezewa, ohlala eMaryland kwele Melika, uthi kutshaya inhliziyo ukuthi kubhubha abantu asebekhulile.
UMfundisi Mzezewa uthi uNkulunkulu nguye owaziyo ngomkhuhlane lo.
Lokhu kusekelwa nguMfundisi Maqhawe Ncube, ohlala kwele South Africa, othi abantu kumele bancede abanye ukwenzela ukuvimba ukumemetheka kwegcikane leCoronavirus.
Your browser doesn’t support HTML5
Sokuswelakala Ukudla Lokunye Endaweni Okumemetheka iCoronavirus