UMnu. David Masondo owabumba iqembu lokucula eleSoul Brothers kasekho.
Iphephandaba leDaily Sun libika ukuthi uMasondo ubhubhe ngeSonto emini yantambama esibhedlela seGarden City Hospital, Mayfair, Johannesburg.
Iphephandaba leli lithi akwaziwa ukuthi ubulewe kuyini uMasondo loba nje wangena esibhedlela lesi kumaviki ambalwa adlulileyo ekhala ngokuphefumula nzima.
UMnu. Moses Ngwenya, owabumba iqembu leli loMasondo ngomnyaka ka1974, utshele iphephandaba leli ukuthi ulahlekelwe ngumngane omkhulu njalo umhlaba wonke jikelele ulakelwe ngumculi okade ehlabela okumangalisayo.
UMasondo wathi ehlabela eCentral Stadium in Uitenhage, Nelson Mandela Bay, wakhala ngokuthi umzimba wakhe wawudinwe okwamagama wasehanjiswa esibhedlela seGarden City.
Umqondisi weSoul Brothers, uMnu. Welcome Nzimande, uphinde watshela iphephandaba leDaily Sun ukuthi balusizi kakhulu ngalokho osokwehlele iSoul Brothers lemuli kaMasondo.
UMasondo ubesaziwa ngokugida njalo lokucula okuzothileyo okwembaqanga.
Uthe ebhubha kade iSoul Brothers ilungisa idlalade lokungamatshumi amathathu lasitshiyagalo lunye, 39, leLadysmith Black Mambazo, loMnu. Steve Kekana and kanye le Ihashi Elimhlophe.
UMasondo wazalwa ngomnyaka ka1950 eHammersdale eyaziwa ngokuthi yi Mpumalanga, Durban. Waqalisa ukucula leqembu le Groovy Boys engakabumbi labanye bakhe iSoul Brothers.