Mhlaka 15 ngoLwezi ngomnyaka ka2017, ibutho leZimbabwe lalilokhu lizama ukususa owayengumongemeli, uRobert Mugabe, esikhundleni kulandela umbiko owethulwa nguMajor General Sibusiso Moyo emsakazweni oweZimbabwe Broadcasting Corporation mhlaka 14 owawuveza ukuba uMugabe usezandleni zebutho.
Loba ibutho lenelisa ukumsusa esikhundleni kunsukwana ezilandelayo, kulabanye abantu abathi akulanguquko ekhanyayo kusukela ngesikhathi uMugabe esuswa esikhundleni.
Ngesikhathi lesi ngomnyaka ka2017, ibutho laselingenile emigwaqweni eHarare njalo selibike ukuba uMugabe lemuli yakhe babephethwe kahle. UMoyo wabika emsakazweni weZBC ukuthi babefuna ukubopha okwakuthiwa yizidlova ezazigombolozele uMugabe.
UMoyo, oselomnyaka wabhubha, wathi ibutho kalihluthuni intambo zombuso kodwa lizama ukulungisa okuhluphayo eZimbabwe, okugoqela ukubhidlika komnotho. Kunsukwana ezilandelayo, uMugabe wethula umbiko esithi kayindawo lobanje wayesegonjolozelwe ngamasotsha. Wathi kumele eleZimbabwe lilungise okuhluphayo elizweni ngokuthula.
UMugabe watshela intathelizindaba ukuba kwakungekho emthethweni ukususwa kwakhe esikhundleni.
Ngesikhathi lesi, uMugabe, owayesexotshe umsekeli wakhe uMnangagwa esikhundleni, wayengazimiselanga ukunika ibutho intambo zombuso. Abanye abakubandla leZanu PF babekhalela ukuba uMugabe asuswe esikhundleni Omunye wabo nguMnu. Joseph Tshuma.
Abanye bathi uMugabe wasuswa esikhundleni ngesikhathi kulamacela atshiyeneyo ayelwizana
UMsipha uthi akulalutho olwaguqulwa yikususwa kuka Mugabe esikhundleni.
UMnu. Nhlanhla Ncube, omunye wababumba inhlanganiso ezimeleyo eyeFreedom Alliance, ulombono ofanayo.
Ibutho lenelisa ukususa uMugabe embusweni mhlaka 17 Lwezi ngomnyaka ka2017 lobanje wayefuna ukunamathela esikhundleni
Your browser doesn’t support HTML5
Bayakhala eZimbabwe Ngombuso kaMnangagwa Owasusa uMugabe Esikhundleni