Umphathintambo wezabesifazana, uNkosikazi Sithembiso Nyoni, uthi abantu beZimbabwe akumelanga bathenge izindlu kumbe izimota ngemali yokuthuthukisa amabhizimusi.
UNkosikazi Nyoni uthi banengi abantu abathatha izikwelede emabhanga babesebethenga izimota ezilentengo ephezulu, izindlu ezibukekayo lokunye okubajabulisayo.
Uthi imali ebolekwayo kumele isetshenziswe ngonanzelelo.
“Okuhluphayo yikuthi abantu bangaboleka imali kababhadali. Sicela ukuthi umuntu engaboleka imali abhadale ukwenzela ukuthi abanye labo bethole. Izimali sokubolekisa zikhona sibili.
“Amabhanga amanengi athi nxa lilihlekanyana liyenelisa ukuthi liboleke imali ngokugarantiyana lina. Abantu abanengi bacabanga ukuthi imali iphonguphiwa kungelasibambiso. Akulanto enjalo ngoba imali leyo ngeyesizwe.
Uphinde wathi umuntu uqalisa ibhizimusi ngokubalombono webhizimusi afuna ukuyisungula engakadingi imali.
Uthi abantu abafisa ukukhulumisana laye balakho ukuya emawofisini awohlangothi lukahulumende olubona ngabesifazana lamabhizimusi amancane ezabelweni zonke zelizwe.
UNkosikazi Nyoni uthe kababandlululi abantu ngokuthi ngabaliphi ibandla emsebenzini wabo.
Your browser doesn’t support HTML5
'Bhadalani Izikwelede Elizithatha Ukwenzela Ukuthuthukisa Amabhizimusi'