UMnu. Simba Chikore, umkhwenyana kaMnu. Robert Mugabe, ngoLwesihlanu uhlawuliswe amatshumi amathathu amadola - $30 - kulandela ukwetheswa kwakhe icala lokuthi wathumba uNkosazana Bertha Zakeyo, owala ukusuka emsebenzini kunkampani yeZimbabwe Airlines esexotshe umsebenzi.
UChikore uhlawuliswe ngumantshi uMnu. Elisha Singano eHarare Magistrates’ Court othe kumele aphenduke emthethwandaba mhaka 7 ngenyanga ezayo.
UChikore ubemelwe ligqwetha uMnu. Jonathan Samukange.
Amapholisa athi uChikore waxotsha uZakeyo umsebenzi wasemvalela emawofisini eZimbabwe Airlines. Kuthiwa uZakeyo wathi kasoze asuke emawofisini ngoba wayengaxotshwanga okusemthethweni.
UChikore, othethe uBona olizibulo lika Mugabe, wayengumqondisi wenkampani yeZimbabwe Airlines ingakathathwa nguhulumende.
Wathi uChikore wethulela abantu lentathelizindaba imfihlo yenkampani le.