Sokulungiselelwa ukuvezwa kwenotho kowayengumongameli, umuyi uRobert Mugabe, okubikwa ukuthi ulenotho edlula kancane phose ibhiliyoni lengxenye - $1,6 billion.
Iphephandaba leSunday Mail libika ukuthi kulamagqwetha akhangelane lenotho kamuyi abalungiselela ukuveza emthethwandaba inotho egoqela iBlue Roof, imota ezinengi okumangalisayo, amapulazi alitshumi lasithupha, inkomo eziyinkulungwana ezinhlanu – 5,000, ama combine harvestors alitshumi lanye, izakhiwo ezinengi eHarare lemaphandleni, ikakhulu koZvimba lokunye okutshiyeneyo.
Kukhanya engani uMnu. Terrence Hussein, igqwetha lemuli yako Mugabe yilo elikhangelane lokwabiwa kwenotho kamuyi.
Abantwana bakamuyi lomfelokazi, uGrace Mugabe, bakhangelelwe ukuthi bazathola inotho enengi eyinye njalo inikwe abosendo lwakoMugabe.
Kusenjalo, uRetired General Constantino Chiwenga kubikwa ukuthi utshele abakhonza eRoman Catholica Church eWedza ukuthi ubebulawa ngumphimbo njalo wahlala inyanga eziyisithupha engaboni ilanga.
Lokhu kwethulwe liphephandaba leSunday Mail.