Ibhanga leReserve Bank of Zimbabwe lithi abantu abasebenza kunhlanganiso eziholisa izisebenzi ngamadola eMelika balakho ukusebenzisa imali le elizweni.
Ibhanga leli lethule iziqondiso ezintsha zokusebenzisa imali yakwamanye amazwe lisithi labo abangasebenzisa idola leMelika ngabasezigodlweni zamazwe atshiyeneyo, abasebenzela inhlanganiso ezizimele zodwa, abathengisa amafutha labathengisa ilitshe lechrome.
IRBZ ithi kumele abantu laba kumele basebenzisa amabhanga nxa befuna ukusebenzisa idola leMelika.
Kukhanya engani uhulumende usedinga ngendlela zonke imali yakwamanye amazwe kulandela ukuvinjwa kokusetshenziswa kwemali yakwamanye amazwe okusanda kwethulelwa uzulu.
Ingcwethi kwezomnotho zithi uhulumende usethwele nzima ngokuswelakala kwemali yakwamanye amazwe osokwenze ukuthi ethule umthetho omutsha wokudinga amadola eMelika. Kasenelinga ukuxoxa ngodaba lolu leziphathamandla zikahulumende kanye lezebhanga leReserve Bank of Zimbabwe.
UMnu. Terminus Masuku, isakhamuzi seGweru uthi kuyamangalisa okwethulwe libhanga leli.
Your browser doesn’t support HTML5
Ingxoxo Esiyenze LoMnu. Terminus Masuku