Inhlanganiso ezimele yodwa ecubungula ezombusazwe ithi akulanguquko kwele Zimbabwe selokhu kwasuswa umuyi uRobert Mugabe esikhundleni libutho libambisana lebandla leZanu PF kanye ledale lephalamende.
Uphenyo olusanda kwethulwa yiRand Corporation yakwele Melika luveza ukuba uMongameli Emmerson Mnangagwa lebutho bancindezela uzulu kakhulu eZimbabwe.
Inhlanganiso le, eyenze uphenyo lolu eZimbabwe olulesihloko esithi ‘A New Zimbabwe: Assessing Continuity and Change After Mugabe’, ithi okwenzakala eZimbabwe kuphambana lokwethulwa nguMnangagwa othi uzimisele ukuguqula ezombusazwe lesimo somnotho elizweni.
IRand Corporation iphinde yaveza ukuba ibutho seligxhile impande kwezombangagwe ngakho-ke kumele lokhu kulungiswe ukuze ilizwe leZimbabwe liguquke kwezomnotho lezombisazwe.
Abakubandla leZanu PF bathi inhlanganiso le iveza umbono welizwe leMelika ngokwenzakala eZimbabwe.
UMnu. Joseph Tshuma, okudale leCentral Committee kubandla leli, uthi akumangalisi okwethulwe yiRand Corporation.
Your browser doesn’t support HTML5
Ingxoxo Esiyenze LoMnu. Joseph Tshuma
UNkosazana Thabitha Khumalo, umgcinisihlalo webandla leMDC elikhokhelwa nguMnu. Nelson Chamisa, uthi iRand Corporation iyitshaye ekhaleni.
Your browser doesn’t support HTML5
MDC: IRand Corporation Yethule Umbiko Oqakathekileyo Njalo Oliqiniso'