Inhlanganiso elwela amalungelo kazulu eyeFreedom House ithi uMongameli Emmeson Mnangagwa kumele amise ukubotshwa lokutshaywa kwabantu abaphikisana lokulumende wakhe.
Inhlanganiso le ithi uhulumende kaMnangagwa wephula ilungelo likazulu ngokuqhubekela phambili ebopha abantu abafuna ukutshengisela emigwaqweni bekhonona ngesimo esibi somnotho elizweni.
Abanengi abathunjwa lokutshaywa ngabacatshangelwa ukuthi ngamapholisa ensitha ngamalunga ebandla leMDC elikhokhelwa nguMnu. Nelson Chamisa.
UMnu. Daniel Mokolele, isikhulumeli sebandla leli, uthi bayakusekela okwethulwe yiFreedom House.
Your browser doesn’t support HTML5
Ingxoxo Esiyenze LoMnu. Daniel Molokele
Abakubandla leZanu PF, abagoqela uMnu. Belive Gaule, bathi kabasoze batshelwe okokwenza yinhlanganiso yeFreedom House.
Your browser doesn’t support HTML5
Ingxoxo Esiyenze LoMnu. Believe Gaule
Ukuze sihlaziye udaba lolu sixoxe lengcwethi kwezombusazwe, uMnu. Bekithemba Ngalonde, othi uhulumende kaMnangagwa angeke abophe abantu ababopha labakhahlameza uzulu.
Your browser doesn’t support HTML5
Ingxoxo Esiyenze LoMnu. Bekithamba Ngalonde
Kusenjalo, amapholisa avimbe okunye njalo ukutshengisela obekumele kwenziwe libandla leMDC eChinhoyi.
Iphumile njalo enkambeni yamapholisa inkokheli yenhlanganiso yababalisi ebotshwe ngoLwesihlanu ithwele ugwalo oluveza ukukhonona kwabo ngeholo eliphansi obekumele lunikwe iziphathamandla zikahulumende. Inikwe isibambiso sebail ngumthethwandaba.