Amabandla atshiyeneyo ayavumelana ukuthi eleZimbabwe lidinga uncedo lokuthi kuvuselelwe umnotho osubhidlika.
Kambe kumele kwenziweni ukulungisa lokhu lokunye okuhlupha ilizwe?
Kusobala ukuthi kulokuxokozela kubandla leZanu PF lapho okubangwa ukuthi ngubani ongafakwa esikhundleni sikaMongameli Robert Mugabe nxa engatshiya umsebenzi.
Uzulu uthi ukuxabana lokhu kwenza ukuthi ibandla leli lingalungisi umnotho obhidlikayo.
Your browser doesn’t support HTML5
Udaba Lwezombusazwe Esilethulelwe NguGibbs Dube
Isikhulumeli sibandla leZapu uMnu. Strike Mnkandla uthi okuhlupha kakhulu yikuthi abantu abanengi kuZanu PF badinga izikhundla kuphela.
UMnkandla uthi okunye njalo yikuthi ibandla elibusayo likhuthaza ubusela lokungahloniphi ilungelo likazulu.
Imbono yakhe le isekelwa nguMnu. Rugare Gumbo owaxotshwa kubandla leZanu PF othi sokubunjwa ibandla elitsha elizabhazuka kuZanu PF eliyabe likhokhelwa nguNkosikazi Joice Mujuru owayengumsekeli kaMongameli Robert Mugabe.
UGumbo uthi konke lokhu kungalunga amabandla angasebenza ndawonye ukwenzela ukukhipha ibandla leZanu PF embusweni.
Kodwa-ke uMnu. Joseph Tshuma omele iPelandaba Mpopoma kudale lephalamende ekubandla leZanu PF uthi umnotho kawubhidlizwa yilokho okungabe kusenzakala kubandla leli.
Ugcizelele esithi konke okuhlupha iZimbabwe kuzaphela nxa abantu bengasebenza ndawonye.
Kambe inkokheli yamabandla wonke eZimbabwe ithini ngokugugudeka komnotho, ezombusazwe lokunye okutshiyeneyo? Thiyani indlebe lizizwele kusukela ngoMvulo kuze kuyefika ngoLwesihlanu ngeviki ezayo. Abadala bathi ukuzwa yikuncitshwa!!