Amabandla Amancane Asefuna Imali Kuhulumende

WASHINGTON DC —  Amabandla amancane athi kumele uguqulwe umthetho we Zimbabwe Political Parties Finance Act ukuze lawo abelwe imali nguhulumende phansi komthetho lo.

Amabandla anjenge Mavambo Kusile Dawn, ZAPU lamanye angamatshumi amabili lesithupha – 26 akhangelelwe ukungena kukhetho olukhulu lwalonyaka athi kubabisela muva ukuthi kawatholi imali le.

Athi kumele inikwe amabandla alabalandeli abedlula inkulungwane ezinhlanu – 5,000 kusiyaphezulu.

Athi akulunganga ukuthi amabandla athole imali le nxa angenelisa ukuzuza amavoti kukhetho ayisilinganiso sokuhlanu ekhulwini – 5% yabantu abavotileyo.

Okwamanje ibandla le Zanu PF lamacele amabili eMovement for Democratic Change yiwo athola imali kahulumende evunyelwa ngumthetho lo.

Amabandla amancane ayaziphandela imali elizweni njengoba engavunyelwa ukudinga imali yezombusazwe emazweni.

Umnu. Mjobisa Noko isikhulumeli sebandla le ZAPU uthikumele umthetho lo uguqulwe masinyane ukwenzela ukuthi amabandla amancane lawo athole imali kahulumende.

Ingxoxo Esiyenze LoMnu. Mjobisa Noko