Kubikwa ukuthi uhulumende wakwele Zimbabwe uzathola amaphepha okudinda amaphasiphothi phakathi kuka Ncwabakazi.
Abazi ngokwenzakalayo bathi okwamanje akudindwa amaphasiphothi eHarare ngenxa yokusilela kwamaphepha asetshenziswa ukwenza amaphasiphothi.
Kasenelisanga ukukhuluma lomphathintambo kahulumende obona ngokudindwa kwamaphasiphothi. Sokulesikhathi ilizwe leZimbabwe lisehluleka ukunika abantu amaphasiphothi lisithi akulamaphepha okuwadinda.
Omunye walabo abamelele iphasiphothi nguMnu. Olivert Sibanda, ohlala kwele Botswana okwamanje.
Uthi waqala ukudinga iphasiphothi ngoLwezi nyakenye.
“Sengike ngatshayele abahulumende ucingo ngibuza ngokwenzakalayo bangiphendula besithi kayikadindwa ipassport yami. Sengithwele nzima ngoba akusebenzeki kwele Botswana nxa umuntu engelamaphepha aqondileyo aveza ukuthi udabuka ngaphi.
“Sengike ngabotshwa ngamapholisa ngenxa yokuswela iphasiphothi. Ukuhlupheka ekhaya yikho okungenza ngibe selizweni leli. Kodwa-ke kubanzima nxa ngingela phasiphothi.”
Your browser doesn’t support HTML5
Ingxoxo Esiyenze LoMnu. Livert Sibanda