Kuhlelo lwamasiko lokuphila kwabantu nsukuzonke, ngoLwesibili sixoxe ngokusanda kwethulwa lidale lomthethwandaba elithethe isinqumo sokuthi abantu abatshadileyo akumelanga badumele umakhalekhukhwini omunye.
Umantshi weHigh Court uMnu. Tawanda Chitapi wethule isinqumo lesi egweba umama owabulala umkakhe kubangwa okwakukumakhalekhukhwini wendoda. Abantu balembono etshiyeneyo ngesinqumo lesi loba inengi lalabo abatshadileyo bevumelana laso.
Ukuze sihlaziye udaba lolu iStudio 7 ixoxe loNkosikazi Lilian Moyo Mlilo ongukhansila edolobheni lakoBulawayo loMnu. Thandeko Zinti Mnkandla ingcwethi kwezamasiko esintu.
UMaMoyo uthe wayengabambi umakhalekhukhwini womkakhe engakabhubhi.
“Mina ngahle ngazitshela ukuthi khonokhuyana okuthi cellphone kutsho ukuthi self-phone (ifoni ngeyakho). Kutsho ukuthi umuntu kumele azibambele ifoni yakhe hatshi ukuthi ibanje ngomunye umuntu.
“Vele mini wazitshonela umkami ngingazake ngizibambe ngoba ulakho ukubona izinto ezingakukhweza iBP (high blood pressure).”
UMnkandla uvumelane laye esithi akumelanga abantu abatshadileyo baxokozele kobomakhalekhukhwini.
“Ngensintwini sakithi singasakhangeli ukuzenzisa kwabantu ngeyinye yezindlela zokuhloniphana yonaleyo. Ungaphongukudumela ulutho lomuntu ngoba ucingo lolu luqukethe okunengi. Yebo kambe akusikho zinto ezilimazayo isikhathi sonke njengoba abanye bayabe bexoxa izindaba zabo okuhambelana lentanga yabo.”
Kodwa-ke labo abathi kumele omakhalekhukhwini bengabi yimfihlo bathi akumelanga umuntu othetheyo abelemfihlo endlini.
Your browser doesn’t support HTML5
Ingxoxo Esiyenze LoMnu. Thandeko Zinti Mnkandla LoNkosikazi Lilian Mlilo