Iphephandaba leSunday News libika ukuthi uMnu. Obert Mpofu, obona ngenhlelo ezitshiyeneyo kubandla leZanu PF, uhlolwe watholakala eleCOVID-19.
Kasenelisanga ukukhuluma loMpofu obengaphenduli umakhalekhukhwini wakhe.
Obona ngokwethulwa kwemibiko kubandla leZanu PF, uMnu. Tafadzwa Mugwadi, utshele umsakazo weStudio 7 ukuthi uMpofu uselomkhuhlane lo, osanda kubulala intathelizindaba, uNkosazana Janet Munyaka.
Kulabantu abalitshumi ababulewe ngumkhuhlane weCOVID-19 eZimbabwe izolo, okugoqela intathelizindaba yeZimbabwe Broadcasting Corporation, uNkosazana Munyaka.
Uhlangothi lwezempilakahle lubika ukuba phakathi kwababulewe ngumkhuhlane lo, inengi labo yizakhazi zeHarare.
Okwamanje kulabantu abedlula inkulungwane ezilitshumi – 10,617 asebehlolwe kusukela ngoMbimbitho lonyaka batholakala bele COVID-19 kwathi abafika phose inkulungwane eziyisificamumwe munye – 8,844 baphepha kumkhuhlane lo. Sokubhubhe abafika phose amakhulu amathathu – 291.
Ukubhubha kuka Munyaka sokwethuse intathelizindaba eZimbabwe.
UMnu. Loughty Dube, umqondisi wenhlanganiso yeVoluntary Media Council of Zimbabwe, uthi kumele amankampani avikele intathelizindaba kumkhuhlane weCOVID-19.
Your browser doesn’t support HTML5
Ingxoxo Esiyenze LoMnu. Loughty DUbe