Ibandla leMDC-T, elikhokhelwa nguMnu. Douglas Dwonzora, lithi lizaxotsha abamele idale lephalamende, amakhansila labanye abasekela uMnu. Nelson Chamisa, okhokhela eleMDC Alliance.
UMnu. Morgen Komochi, umgcinisihlalo webandla leli, wethule umbiko lo namuhla ngesikhathi kuthakazelelwa ukubunjwa kwebandla leMDC.
UKomichi uthe banengi abalandela uChamisa abangena edale lephalamende lakumakhansili kukhetho olwenziwe ngomnyaka ka2018 bephansi komanyano weMDC Alliance osukhokhelwa nguMwonzora.
Uthe kusukela ekuqaleni kwenyanga ezayo bazagumula bonke abalandela uChamisa.
UKomichi uthi sebeqalile ukuhlolisisa isimo sabantu bonke ukwenzela ukuthi baxotshise edale lephalamende lakmakhansili abangalandeli uMwonzora.
Your browser doesn’t support HTML5
UMorgan Komichi Ekhuluma Emhlanganweni Webandla leMDC-T NgeSonto
UMnu. Felix Magalela Mafa, umsekeli womgcinisihlalo webandla le MDC Alliance, uthi uKomichi ukhuluma angakweziyo.
UMafa uthi kabalandaba lokwethulwe nguKomichi athi unjengomkhaza ozama lokumunya igazi enkomeni efileyo.