Umkhokheli weMDC Alliance, uMnu Nelson Chamisa, namuhla utshele abasekeli bakhe ukuthi balungiselele ukungena emigwaqweni lapho abazatshengisela khona bekhonona ngokutshontshwa kwempumela yokhetho.
Ekhuluma esenkundleni yePhelandaba Stadium, uMnu Chamisa uthe ukhetho oludlulileyo lwatshontshwa njalo wanqoba okungela kuthandabuza kungenani lokuthi umthethwandaba weConstitutional Court wathi uMongameli Emmerson Mnangagwa wanqoba.
UChamisa uqale ngokubonga abasekeli balelibandla ngokuvota abakwenzayo esithi bavota kuhle loba nje kube lokuqilibezela.
Abalandeli bebandla leMDC abangene umhlangano webandla leli eGwanda.
Kungakho uMnu. Chamisa uthi uzulu kumele ahlale elindele ukungena emigwaqweni kusikhathi esifitshane esilandelayo.
Umsekeli weMDC Alliance, uSikhwicamfundo Welshman Ncube, ugcizelele amazwi kaMnu. Chamisa esithi ukhetho lwatshontshwa libandla leZanu PF.
Umgcinisihlalo webandla leMDC Alliance, uNkosazana Thabitha Khumalo, uthi ukumamanzonzo kwezomnotho kuveza obala ukuthi ukhetho aluqhutshwanga kakuhle.
UMnu. Chamisa obese Beitbridge izolo ubonge kakhulu uzulu weZansi yeMaNdebeleni ngokuvotela ibandla lakhe osekudale ukuthi umeya weGwanda leBeitbridge bavele kubandla lakhe.
Ukhuthaze amakhansila ukuthi atshiyane lenkohlakalo esithi idolobho leGwanda sokumele likhanye ukuthi kulapho okuphuma khona igolide.
Usole udlakela oluqhamuke eVova Mine kunyanga eyedlulileyo lapho okufe umuntu oyedwa kudlakela lwabeSiShoneni labeSiNdebeleni esithi kubangelwa yikuthi udaba lombhuqazwe weGukurahundi lokhu lusemoyeni.
Your browser doesn’t support HTML5
Udaba Esilethulelwe NguAlbert Ncube
Kodwa-ke uMnu. Believe Gaule webandla leZanu PF uthi uChamisa labantu bakhe bachitha isikhathi ngoba uMnangagwa ngumongameli welizwe leZimbabwe.
Your browser doesn’t support HTML5
Ingxoxo Esiyenze LoMnu. Believe Gaule