UJustice Sello Nare, umgcinisihlalo wekhomishini ebona ngokukhumisana umlotha eyeNational Peace and Reconciliation Commission, uthi sebebumbe amakhomithi okuxoxisana ngombhuqazwe weGukurahundi okuzabe kulezinduna, abamele inhlanganiso ezizimele zodwa labantu abalezihlobo ezabulawa eMatabeleland leNkabazwe kusukela ngomnyaka ka1983 kusiyafika umnyaka ka1987.
Uthi bamisa ukugebha amangcwaba abantu ababulawa yiGukurahundi ngenxa yokuthi kwakumele kusetshenziswe ezinye iziqondiso zomthetho welizwe leZimbabwe.
Kulamathambo abantu ababili ababulawa ngesikhathi sombhuqazwe weGukurahundi eCross Dete agejwa yinhlanganiso ezimele yodwa ibambisana lekhomishini le kodwa kwamiswa kwezinye indawo uzulu esetshinga okumangalisayo ngokwakusenziwa nguhulumende kaMongameli Emmerson Mnangagwa, owayekhanya engani ufuna ukuvimba ubufakazi bokubulawa kwabo.
Okwamanje, inhlanganiso yeMatabeleland Collective layo idla amalahle isithi uMnangagwa uyehluleka ukulungisa udaba lolu.
UNare uthi abantu sebezaxoxisana mgceke ngombhuqazwe weGukurahundi.
Your browser doesn’t support HTML5
Ingxoxo Esiyenze LoJustice Sello Nare