Kudaba lweziphathelane lesimo sezombusazwe eZimbabwe esilethulela lona nsukuzonke, ngoLwesine sixoxa lesiphathamandla sebandla leNational Constitutional Assembly.
Umgciningcebo webandla leli, uMnu. Alois Dzvairo, uthi ibandla lakhe likholwa ukuthi abantu makhaza eZimbabwe kumele bakhululeke kungakalungiswa umnotho welizwe obhidlikayo lokunye okuhlupha uzulu.
“Siyaqakathekisa indaba zesisekelo sombuso njalo siyaqakathekisa inhlalakahle kazulu engingathi yisocial democracy.”
Uthi okokuqala uzulu engakadingi okunengi kumele akhululeke. “Esikukhangelele njengebandla yikuthi uzulu aqale akhululeke, abelamalungelo wonke okufanana lelungelo lokukhetha inkokheli nxa ekhululekile. Uzulu kumele athole njalo ukudla engingathi decent living. Umuntu engakhululeka abesesidla intuthuko iyabuya elizweni.”
UDzvairo uthi balakho ukwethulela uzulu inhlelo ezijulileyo nxa bengafakwa embusweni.
Uthi ihlelo lezi zilakho ukusebenza nxa abantu bekhululekile okuzakwenza ukuthi abantu abahlala kwamanye amazwe bavule amabhizimisi eZimbabwe.
Uphinde wathi bayakukhuthaza ukulima eZimbabwe loba nje kungamelanga kuqhutshwe ngendlela ibandla leZanu PF elenza ngakho.
Ephendula umbuzo wokubambana lamanye amabandla, uDzairo uthe konke lokhu kuya ngokuthi abanye bakhangela njani labo abafuna ukusenza labo.
Uthe akulunganga ukuthi kube labanye abacabanga ukuthi balamandla adlula abanye kwezombusazwe.
Ukuze lizwe okunengi ngodaba lolu hambani kubulembu beInternet ku – www.voandebele.com. NgoLwesihlanu sizabe sixoxa loMnu. David Rhodi Takaruza owebandla leTransform Zimbabwe.
Your browser doesn’t support HTML5
Ingxoxo lomnumzana Alois Dzvairo