UNkosikazi Joice Mujuru okade engumsekeli kaMongameli Robert Mugabe uthi uzotshelwe angakwaziyo njengoba kade angeke abulale uMugabe.
UMujuru, oxotshwe labaphathintambo bakahulumende abayisikhombisa lomsekeli womphathintambo kahulumende oyedwa, uthi unguChristu ngakho-ke wayengeke ahlale phansi acabange ukubulala uMugabe njengalokho okukhulunywa ngabanye abalandeli bebandla leZanu PF.
Betheswa amacala okuthi babezama ukukhipha uMugabe esikhundleni lokunye okutshiyeneyo becatshangelwa ukuthi babencedisana loMujuru.
UMujuru utshele iStudio 7 ukuthi uMugabe umthumezele incwadi emtshela ukuthi kumele atshiye umsebenzi ngesikhathi ethola leyo ncwadi. Uthi okwakhe konke sokukhanya sokuphelile kuhulumende loba engasoze atshiye ibandla leZanu PF.
Lokhu kubuya ngesikhathi ekhitshwe kudale eCentral Committee libandla lakhe ekade limethesa icala lokuthi ubelwisana loMugabe, engenzi kahle umsebenzi njalo edinga imali ngendlela eziphansi.
UMugabe lamuhla wethule umbiko othi usemxotshile omunye wakhe leziphathamandla zikahulumende. UMujuru uthe kuyamangalisa okade kumumethwe yincwadi ebhalwe nguMugabe.
Uphinde wakubeka sobala okade kubhalwe nguMugabe.UMujuru uthi kasoze aphikise lokhu okwethulwe ngumongameli welizwe.
Lokhu ngokokuqala elizweni leZimbabwe ukuthi umongameli welizwe axotshe umsekeli wakhe. Ingcwethi kwezemithetho, uMnu. Job Sibanda, utshele uGibbs Dube weStudio 7 ukuthi uMugabe ulelungelo lokuxotsha umsekeli wakhe.
Kulembiko ethi uMugabe usebhale eyinye incwadi ebamba isiqanyana sesisekelo sombuso welizwe esisetshenziswa nxa kuxotshwa umsebenzi umongameli, umsekeli wakhe, abaphathintambo bakahulumende labasekeli babo. Kasenelisanga ukukhuluma lesikhulumeli sikamongameli ngodaba lolu.