WASHINGTON DC —
Izizalwane zeZimbabwe ezinengi zithi uMongameli Robert Mugabe oleminyaka engamatshumi ayisitshiyagalolunye, 90, akumelanga afake ibizo lakhe kulabo abazabe bencintisa kukhethu kuCongress yebandla le Zanu PF lonyaka ngoMpalakazi.
Inengi labantu abazwe okwethulwe nguMnu. Rugare Gumbo isikhulumeli se Zanu PF ngempelaviki kuStudio 7 esithi uMongameli Mugabe uzabe encintisa kukhetho lolu, bathe umongameli kasenelisi ukukhokhela ilizwe ngenxa yokuluphala.
Bathe sokumele ukuthi alungisele abanye bakhe ukuthi baphathe intambo kulelibandla loba nje kungamelanga ukuthi azidingele umuntu ongacina esiba ngumongameli welizwe.
Abantu ababili abalandele lokho esikufake ebulenjini beFacebook ngempelaviki lapho ekade sibaxoxisa ngokwethulwe nguGumbo, bathe kumele uMugabe akhethe uGideon Gono kumbe iBerlammine Chatunga, umntanakhe omncane oleminyaka elitshumi lesikhombisa – 17 – nxa esezatshiya umsebenzi ukuthi omunye wabo akhokhele ibandla leli.
Abanye bathI ababili laba – ikakhulu uChatunga olusane, angeke enelise ukuphatha okwenzakala ebandleni le Zanu PF eligcwele izigilamkhuba.
Umnu. Morris Ngwenya okubandla leli njalo oyingcwethi kwezombusazwe utshele uGibbs Dube we Studio 7 ukuthi uMugabe angeke azidingela umuntu ozathatha isikhundla sakhe.
Kodwa-ke uMnu. Dumisani Nkomo ingcwethi kwezombusazwe okunhlanganiso ye Harbakukk Trust uthi kungeke kwenzakala ukuthi uMugabe adinge umuntu ozathatha isikhundla sakhe njengoba esithanda kangaka.
UMugabe utshele omunye umabonakude ukuthi usekhangele kubandla lakhe wehluleka ukuthi akhethe umuntu ozathatha isikhundla sakhe.
Inengi labantu abazwe okwethulwe nguMnu. Rugare Gumbo isikhulumeli se Zanu PF ngempelaviki kuStudio 7 esithi uMongameli Mugabe uzabe encintisa kukhetho lolu, bathe umongameli kasenelisi ukukhokhela ilizwe ngenxa yokuluphala.
Bathe sokumele ukuthi alungisele abanye bakhe ukuthi baphathe intambo kulelibandla loba nje kungamelanga ukuthi azidingele umuntu ongacina esiba ngumongameli welizwe.
Abantu ababili abalandele lokho esikufake ebulenjini beFacebook ngempelaviki lapho ekade sibaxoxisa ngokwethulwe nguGumbo, bathe kumele uMugabe akhethe uGideon Gono kumbe iBerlammine Chatunga, umntanakhe omncane oleminyaka elitshumi lesikhombisa – 17 – nxa esezatshiya umsebenzi ukuthi omunye wabo akhokhele ibandla leli.
Abanye bathI ababili laba – ikakhulu uChatunga olusane, angeke enelise ukuphatha okwenzakala ebandleni le Zanu PF eligcwele izigilamkhuba.
Umnu. Morris Ngwenya okubandla leli njalo oyingcwethi kwezombusazwe utshele uGibbs Dube we Studio 7 ukuthi uMugabe angeke azidingela umuntu ozathatha isikhundla sakhe.
Kodwa-ke uMnu. Dumisani Nkomo ingcwethi kwezombusazwe okunhlanganiso ye Harbakukk Trust uthi kungeke kwenzakala ukuthi uMugabe adinge umuntu ozathatha isikhundla sakhe njengoba esithanda kangaka.
UMugabe utshele omunye umabonakude ukuthi usekhangele kubandla lakhe wehluleka ukuthi akhethe umuntu ozathatha isikhundla sakhe.