UMongameli Robert Mugabe uphendukile eZimbabwe ngoMgqibelo ngesikhathi kucatshangelwa ukuthi uyagula kwele Dubai.
Inkampani yezindaba eyeReuters ibika ukuthi uMugabe efike ekuseni eZimbabwe evela eDubai wahlangabezwa ngabasekeli bakhe uMnu. Emmerson Mnangagwa loMnu. Phelekezela Mphoko.
Utshele intathelizindaba ukuthi kade eyebona umntwana wakhe, uRobert Mugabe Junior, ofunda kulelolizwe.
Uchothoze labo abathi kade egula. "Yes, I was dead, it's true I was dead. I resurrected as I always do. Once I get back to my country I am real (Ye, bengifile, liqiniso lelo lokuthi bengifile. Ngivukile njengenhlalayenza. Nxa sengisekhaya kuyebesokuyimi sibili)."
Kubikwa ukuthi ubetshengisela ukuthi udiniwe ngokuhamba kancane kancane exoxa leziphathamandla zemhlangothi zikahulumende ezitshiyeneyo eseHarare Airport.
Uzulu wayemangaliswe yikuthi uMugabe wasuka emhlanganweni we Southern African Development Community ngesiphangiphangi esiye eDubai.
Kulamacele amabili kubandla leZanu PF okuthiwa akholwa nguMnangagwa loNkosikazi Grace Mugabe okuthiwa bafuna ukungena esikhundleni sakhe nxa engatshiya umsebenzi.