Ibandla leMthwakazi Republic Party (MRP) lithi lizaqhubekela phambili lilwisana lokubandlululwa kwabantu eMatabeleland okwenziwa ngabantu abavela eMashonaland abaqhatsha izihlobo labangane kuphela.
UMnu. Nkululeko Mathe, ilunga lekhomithi yeMRP eLupane, uthi kuzwisa ubuhlungu ukuthi abantu abahlala ezabelweni zabo bayabandlululwa kakhulu.
Uthi bazaqhubekela phambili betshengisela kumabhizimisi atshengisa ukubandlulula abantu base Matabeleleland leNkabazwe.
Utshele iStudio 7 ukuthi akubethusi ukubotshwa kwabanye babo abavimbe kwathunqa uthulu koPick N Pay kulandela ukuqhatshwa kwabantu abangahlali eMatabeleland.
Your browser doesn’t support HTML5
Ingxoxo Esiyenze LoMnu. Nkululeko Mathe
UMnu. Nassisio Makhulumo, oncintisa kukhetho oluzayo ekubandla leNational Patriotic Front elikhokhelwa nguMnu. Ambrose Mutinhiri, uthi kuyamangalisa okwenziwa libandla leMRP.
Your browser doesn’t support HTML5
Ingxoxo Esiyenze LoMnu. Nassisio Makhulumo
UMnu. Believe Gaule, okubandla leZanu PF, uthi abatshengisele koPick N Pay, usekela okwenziwa ngabalandeli bebandla leMRP.
Your browser doesn’t support HTML5
Ingxoxo Esiyenze LoMnu. Believe Gaule