Amabandla aphikisayo eZimbabwe athi kungamanga okwethulwe yinhlanganiso yeAfrobarometer ethi uMongameli Emmerson Mnangagwa uzanqoba kukhetho oluzayo.
Athi akwenzakali ukuthi uMnangagwa, owasusa uMnu. Robert Mugabe esikhundleni sikamongameli encediswa libutho, anqobe kukhetho oluzakwenziwa ngoNtulikazi ngenxa yokuthi abantu bafuna kube lenguquko elizweni.
Uphenyo olwenziwe yiAfrobarometer luveza ukuthi uMnangagwa uzanqoba ngokuyisilinganiso sokungamatshumi amane lane ekhulwini – 44 percent – kuthi-ke uMnu. Nelson Chamisa weMDC Alliance uzathola amavoti ayisilinganiso sokungamatshumi amabii lasitshiyangalo mbili ekhulwini – 28 percent.
UMnu. Den Moyo webandla leMDC ekhokhelwa nguNkosazana Thokozani Khupe uthi uphenyo lolu olwenziwe lonyaka kaluqedakali.
Your browser doesn’t support HTML5
Ingxoxo Esiyenze loMnu. Den Moyo
UNkosikazi Sheila Chitate, ingcwethi ecubungula ezombusazwe, othi uMnangagwa ulakho ukunqoba nxa kungaphindwa ukhetho lokudinga umongameli omutsha.
Your browser doesn’t support HTML5
Ingxoxo Esiyenze LoNkosikazi Sheila Chitate
Kasenelisanga ukuxoxa lamalunga ebandla leZanu PF ngodaba lolu.