WASHINGTON —
abantu abanengi bathi selizimvuthu ibandla le MDC-T elabunjwa ngomnyaka ka 1999 njengoba selidabuke phakathi kanengi.
Kungenzakala ukuthi lidabuke futhi njengoba unobhala jikelele webandla leli uMnu. Tendai Biti ebike ngempelaviki ukuthi usexotshe umkhokheli walo uMnu. Morgan Tsvangirai labamsekelayo.
Kodwa-ke uTsvangirai utshaya ngenduku phansi esithi lokhe ekhokhela ibandla leli.
Uzulu usedideke ingqondo ngokuthi uselwelwa ngubani njengoba uTsvangirai ephinde wathi usexotshe uBiti labanye bakhe.
Abantu makhaza babelethemba lokuthi iM-D-C izabakhulula isanda kubunjwa ngoMpandula ngomnyaka ka1999. Ibandla leli lafaka ithemba kuzulu ngokuncintisa okumangalisayo ibandla le Zanu PF ngomnyaka ke 2000 ngokhetho lwabemeli bedale lephalamende njalo langokhetho lukamongameli ngomnyaka ka2002.
Kwaphinda kwabanjalo ngomnyaka ka2005 kukhetho lwabameli bedale lephalamende lapho iM-D-C eyaphosa yathathela umbuso ibandla likaMongameli Robert Mugabe.
Kwaqalisa ukuxokozela kuM-D-C ngomnyaka lowo okwenza ukuthi owayengunobhala jikelele uMnu. Welshman Ncube abumbe elakhe ibandla le MDC.
Okwamanje, selidumela emansumpeni njalo ukuthi kubunjwe elinye ibandla le M-D-C. Inengi labacubungula ezombusazwe bathi bakubona kwakuvele kusobala ukuthi kuzabalokugedla kwamazinyo kubandla leli.
Eyinye yalezingcwethi Umnu. Dumisani Nkomo umqondisi we Habakkuk Trust uthi ingxabangxoza ekubandla leli yaqalisa kudala.
Lokhu kusekelwa njalo yingcwethi kwezombusazwe ezimele yodwa uMnu. Bekithemba Mhlanga.
Kambe likhona na ibandla eliphikisayo okwamanje elinganqoba iZanu PF? Amabandla aphikisayo agoqela iNational Constitutional Assembly ekhokhelwa nguMnu. Lovemore Madhuku, iZapu ekhokhelwa nguMnu. Dumiso Dabengwa, iMavambo Kusile Dawn Party ekhokhelwa nguMnu. Simba Makoni le MDC ekhokhelwa nguMnu. Welshman Ncube. UNkomo uthi okwamanje akulabandla elinganqoba iZanu PF.
UMhlanga uthi amabandla aphikisayo kumele amanyane ukwenzela ukuthi anqobe ibandla elibusayo.
UNkomo uthi akusoze kwenzakale ukuthi ibandla le Zanu PF lipHume embusweni ngomnyaka ka2018 lapho okulokhetho olukhulu lwelizwe nxa amabandla aphikisayo edonselana.
Abantu makhaza bayadinga ezinye njalo indlela zokuthi baguqule okwenzakala elizweni kungelabandla le MDC-T. Kambe ukhona na umuntu ozavela emphakathini alwisane lebandla le Zanu PF lize liphume embusweni? Abadala bathi inyathi ibuzwa kwabaphambili.
Kungenzakala ukuthi lidabuke futhi njengoba unobhala jikelele webandla leli uMnu. Tendai Biti ebike ngempelaviki ukuthi usexotshe umkhokheli walo uMnu. Morgan Tsvangirai labamsekelayo.
Kodwa-ke uTsvangirai utshaya ngenduku phansi esithi lokhe ekhokhela ibandla leli.
Uzulu usedideke ingqondo ngokuthi uselwelwa ngubani njengoba uTsvangirai ephinde wathi usexotshe uBiti labanye bakhe.
Abantu makhaza babelethemba lokuthi iM-D-C izabakhulula isanda kubunjwa ngoMpandula ngomnyaka ka1999. Ibandla leli lafaka ithemba kuzulu ngokuncintisa okumangalisayo ibandla le Zanu PF ngomnyaka ke 2000 ngokhetho lwabemeli bedale lephalamende njalo langokhetho lukamongameli ngomnyaka ka2002.
Kwaphinda kwabanjalo ngomnyaka ka2005 kukhetho lwabameli bedale lephalamende lapho iM-D-C eyaphosa yathathela umbuso ibandla likaMongameli Robert Mugabe.
Kwaqalisa ukuxokozela kuM-D-C ngomnyaka lowo okwenza ukuthi owayengunobhala jikelele uMnu. Welshman Ncube abumbe elakhe ibandla le MDC.
Okwamanje, selidumela emansumpeni njalo ukuthi kubunjwe elinye ibandla le M-D-C. Inengi labacubungula ezombusazwe bathi bakubona kwakuvele kusobala ukuthi kuzabalokugedla kwamazinyo kubandla leli.
Eyinye yalezingcwethi Umnu. Dumisani Nkomo umqondisi we Habakkuk Trust uthi ingxabangxoza ekubandla leli yaqalisa kudala.
Lokhu kusekelwa njalo yingcwethi kwezombusazwe ezimele yodwa uMnu. Bekithemba Mhlanga.
Kambe likhona na ibandla eliphikisayo okwamanje elinganqoba iZanu PF? Amabandla aphikisayo agoqela iNational Constitutional Assembly ekhokhelwa nguMnu. Lovemore Madhuku, iZapu ekhokhelwa nguMnu. Dumiso Dabengwa, iMavambo Kusile Dawn Party ekhokhelwa nguMnu. Simba Makoni le MDC ekhokhelwa nguMnu. Welshman Ncube. UNkomo uthi okwamanje akulabandla elinganqoba iZanu PF.
UMhlanga uthi amabandla aphikisayo kumele amanyane ukwenzela ukuthi anqobe ibandla elibusayo.
UNkomo uthi akusoze kwenzakale ukuthi ibandla le Zanu PF lipHume embusweni ngomnyaka ka2018 lapho okulokhetho olukhulu lwelizwe nxa amabandla aphikisayo edonselana.
Abantu makhaza bayadinga ezinye njalo indlela zokuthi baguqule okwenzakala elizweni kungelabandla le MDC-T. Kambe ukhona na umuntu ozavela emphakathini alwisane lebandla le Zanu PF lize liphume embusweni? Abadala bathi inyathi ibuzwa kwabaphambili.
Your browser doesn’t support HTML5
Udaba Esilethulelwe NguGibbs Dube