UMnu. Nelson Chamisa labanye abakhe abakumanyano weMovement for Democratic Change (MDC) Alliance bathi sesifikile isikhathi sokuthi ilizwe leZimbabwe lisuswe ezandleni zebandla leZanu PF.
Bethule lokhu emhlanganweni omkhulu weMDC Alliance koBulawayo enkundleni yemidlalo eyeWhite City Stadium.
UMnu. Nelson Chamisa loMnu. Welshman Ncube.
UChamisa uthe uyathaba kakhulu ukuthi abantu abanengi abavela kumabandla atshiyeneyo sebelandela umanyano weMDC Alliance.
Omunye okhulume emhlanganweni nguProfessor Welshman Ncube othe sokuyisikhathi sokuthi abantu babuse ilizwe labo eselabhidlizwa libandla leZanu PF.
UNcube uthe kumele amasotsha ayekele ukuvimba ukuthi kungene umongameli okhethwe ngabantu.
Abanye abakumanyano weMDC Alliance abasemhlanganweni eWhite City Stadium.
Kuphinde kwama lemibiko eminengi eyethulwe ngabalwa impi yenkululeko lasebephume kubandla leZanu PF abanjengo Mnu. Kudakwashe Basikiti.
Omunye njalo owacina ukulandela ibandla leMDC lisanda kusungulwa uMnu. Enos Mdlongwa, owaye ngumeya koBulawayo, uthi kumele abantu bavotele ibandla leMDC Alliance.
Bekulabantu abanengi okumangalisayo eWhite City Stadium.
Your browser doesn’t support HTML5
Udaba Esilethulelwe NguGibbs Dube