UNkosikazi Marry Chiwenga, ikhosikazi lomsekeli kaMongameli uRetired General Constantino Chiwenga, wetheswa icala lokuzama ukubulala umyeni wakhe ngesikhathi egula ekwele South Africa.
UMarry Chiwenga, omiswe emthethwandaba ngoMvulo eHarare, kuthiwa wazama ukutshuphuna intambo zomhluzi wokuphilisa eMnu. Chiwenga esesibhedlela.
Umthethwandaba utshelwe ukuthi uMarry Chiwenga waphosa wabulala umkakhe ngoba wamdonsa ngenkani esetshuphune intambo ezilomhluzi wazama ukuphuma laye esibhedlela evuza igazi.
UNkosikazi Marry Chiwenga lamagqwetha basemthethwandaba.
UMarry Chiwenga kubikwa ukuthi wazama njalo ukulungisa amaphepha omtshado eyedwa kulandela ukubikela umantshi ukuthi akwenzayo akuvumelana loMnu. Chiwenga.
Wetheswa lamacala okuthi wathatha imali enengi wayifihla emazweni okungekho emthwethweni.
Okwamanje uvalelwe entilongweni yeChikurubi Remand Prison duzane leHarare.