Kuhlelo lokubhekane lezizalwane zeZimbabwe ezihlala kwamanye amazwe olweDiaspora, ngoLwesithathu sihlolisise ubudlelwano kwabahlala emazweni labasekhaya.
Luyakhala lububule ucingo liphuma lize liyetshona kwesinye isikhathi kusethulelwana amazwi esabekayo.
Bayabe becela uncedo abasekhaya abathwele nzima kuthi-ke labo abasemazweni bakhale ngezikhwama ezibhokokileyo.
Kwesinye isikhathi abasemazweni bayabe bengasebenzi. Konke lokhu sokwethulwe ebulenjini beInternet ngowesifazane ohlala emazweni othi sebezwile ngokutshayelwa incingo ngabasekhaya laphakathi kobusuku bedinga imali.
Uwesifazane lo uthi kwesinye isikhathi abanye babo bayabe becela imali yokuthenga izicathula kumbe impahla yokugqoka edulayo okwamagama. Budlelwano bani ke lobu?
Akesizwe uMnu. Thamsanqa Zhou ohlala eBhilithane loMnu. Bekezela Maduma isakhamuzi seGwanda njalo oyingcwethi kwezombusawe lenotho bexoxa ngodaba lolu loGibbs Dube weStudio 7. UZhou usungula loludaba.
Your browser doesn’t support HTML5
Ingxoxo Esiyenze LoMnu. Thamsanqa Zhou LoMnu. Bekezela Maduma