Abantu abadabuka eZimbabwe abafika phose inkulungwane ezimbili – 1,670 asebehlala kwele Kenya bathakazelela ukuphiwa kwabo nguhulumende amaphepha okubayingxenye yakulelolizwe.
UMnu. Michael Sibindi, omunye wabaphiwe amaphepha la, uthi baphiwe amaphepha la ngoMgqibelo eNyawo Stadium nguMongameli Uhuru Kenyatta ngesikhathi abantu bethakazelela usuku lukazibuse.
USibindi, ocabangela ukuthi udabuka eMatobo esabelweni seMatabeleland South, uthi bafika inkulungwane ezine – 4,000 abadabuka eZimbabwe abafisa ukuba yizizalwane zakwele Kenya. Uxoxa ngodaba lolu loGibbs Dube weStudio 7.
Uthi sebezakwenelisa ukuhambisa abantwana ezikolo, ukuvula amabhizimusi, ukuthola uncedo olufaneleyo kuhulumende njalo lokuhambahamba santando elizweni lezi.
Abantu laba abohlobo lweSiNdebele laMaShona basuka eZimbabwe behamba betshumayela emazweni atshiyeneyo baze bayafika duzane leNairobi lapho abahlala khona bengelamaphepha aqondileyo.
Bazama kudala ukuzuza amaphepha la besenzela ukuphanda kahle impilo.
Your browser doesn’t support HTML5
Ingxoxo esiyenze lo Michael Sibindi