Kuhlelo lwamasiko lokuphila kwabantu nsukuzonke lamuhla sihlaziya udaba lokucela loba ukukhulekela izulu. Izolo abadala kade bephuma emakhaya abo besiyakwenza imikhuba yesintu eyimfihlo bethethela loba ukuthandazela ukuthi izulu line.
Amawosana ayegida etshaya phansi kuze kuzwele, ephosa amatshoba, kuhlatshelwa ezomdabu njalo kudliwe lize litshaye phansi izulu elingadumiyo.
Izindlu zabothekwane zazifuzwa kuthunqe intuthu egangeni. Abazi ngokwakusenzakala endule njalo okulokhe kusenziwa kwezinye indawo nxa kucelwa izulu bathi lokhu kwakusenzelwa ukuvimba indlala elizweni.
Ukuze sihlolisise udaba lolu, sixoxe lengcwethi kwezamasiko esintu uNkosazana Stars Thebe Mathe loMnu. Thabani Khumalo.
UMaThebe uthe kumele uzulu aqalise ukwenza amasiko anjengokucela izulu okulokhe kusenziwa kwezinye indawo zelizwe.
Uthe osekuhlupha yikuthi kulabantu abangasalandeliyo imikhuba yesintu enje kuthi-ke abanye sebexhwalile okwamagama.
UKhumalo ugcizelele esithi imikhuba enjengokucela izulu kumele alandelwe ukunzela ukuvuselela amasiko esintu.
Your browser doesn’t support HTML5
Ingxoxo Esiyenze LoNkosikazi Stars Thebe Mathe LoMnu. Thabani Khumalo