Kuhlelo lwezizalwane zeZimbabwe ezihlala emazweni, ngoLwesithathu sixoxe ngodubo lwalabo ababhubhela emazweni bengalamaphepha okuhlala kulawo mazwe.
Zinengi izizalwane zeZimbabwe ezibhubhela emazweni atshiyeneyo kubesokuhlupha ukuthi ziyengcwatshwa ekhaya ngenxa yokungabi lamaphepha ayeneleyo.
Abakhangelane lokubuthwa kwabantu ababhubhayo kweleSouth Africa bathi bahlangana lodubo lolu sonke isikhathi okwenza ukuthi bacine bethwala nzima ngokuthola amaphepha afunakalayo okuthi bangcwatshwe ngemfanelo.
Bathi kuyahlupha kakhulu nxa umuntu obhubhileyo ebulewe ngendlela esolisa izihlobo, abangane lohulumende.
Ukuze sihlaziye udaba lolu, uGibbs Dube weStudio 7 uxoxe loMnu. Mandla Sibiya, umqondisi weLalakahle Funeral Services eGoli, othi kunengi okufunakalayo nxa umuntu obhubhileyo engelamaphepha okuhlala eSouth Africa.
Your browser doesn’t support HTML5
Ingxoxo Esiyenze LoMnu. Mandla Sibiya