Inhlanganiso ye Combined Harare Residents Association ithi izenzo zikahumende zokudinga usekelo kwezombusazwe ngokuthembisa abantu izitanda zokwakha sokuyikho osokudala inkinga enkulu kuntuthuko yamadolobha ngoba sokusakhiwa imizi mahlayana.
Lokhu kuphume emhlanganweni omkhulu wokusebenza kwama khansili kudaba lokutholisa abantu izindlu owenzelwe e Harare ngoLwesine ngaphansi kwenhlanganiso ekhuthaza ukuthembeka eye Transparency International.
Isiphathamandla senhlanganiso yeCombined Harare Residents' Association, uMnu. Tendai Muchada, wazise ukuba kulokungenela kukahulumede kumisebenzi yama khansili osokuphazamisa ukuqutshwa kwayo ngemfanelo.
Umqondisi we Chitungwiza Residents Trust, uMnumzana Marvelous Khumalo, uthi lokhu yikwenza osokubhahile kundawana zonke.
UKhumalo uthi umkhuba wokuthi umhlabathi ucine unikezwa ngumphathintambo wokubuswa kwezabelo uMnu. Saviour Kasukuwere wona amakhansili ekhona awamukeleki njalo uphazamisa imisebenzi yamadolobha.
UMnu. Mfundo Mlilo, esinye njalo isiphathamandla se CHRA, uthi idolobha le Harare lisalela muva kwamanye amadolobha ngenxa yaloludubo.
UMlilo uthi leli dolobha lisebenza nge budget efika kuzigidi zamadola ezingamakhulu amathathu, i$345million khona idolobha le Johannesburgl, njengomzekeliso, lisebenza nge budget efika ku billion elilodwa.
Your browser doesn’t support HTML5
Udaba Esilethulelwe NguMark Peter Nthambe
UDokotela Manase Kudzai Chiweshe ofundisa izifundo zentuthuko ekolitshini le Chinhoyi University uthi loba okunye okwenziwa ngu Kasukuwere kusemthethweni okudingakalayo yikuthi abantu becine besebenzisa inhlanganiso abalazo lama khansila abo ukuphikisana lokwenzakalayo. UKhumalo uthi lumkhuba sekumele uphele.
UKhansila Hebert Gomba we khansili ye Harare uthi balodubo lokuba kulokwenziwa nguhulumende bengelalwazi bebesebebona becelwa ukuba bethathe ezinye zendawo eziyabe sezihlaliswe kutsha abantu ukuze zibe ngaphansi kwe khansili yabo.
Wengezelele esithi loba kunjalo njengekhansili basebenza gadalala bezama ukulungisisa okufana lokukhulunywa ngu Mlilo esithi bavula indawo ezintsha ezingasebenzela khona abantu ukuze bevule imisebenzi lamathuba kulokuthi abantu behlale kundawo ezithile besiyalala kuphela bevuka ekuseni besiya edolobheni ukuyaziphilisa kulokusebenzisa lezondawo ukuthola okubaphilisayo.